DI HALIANGI BINTANG #5

MANGALUA

Songon nasomal so olo so si Jojor manongos BBM. "Bang parpudion parange ni kakak songon na asing asing. Manuhor baju, sipatu dohot tas na balga.Husungkun tu aha i kak?. Nanget nanget nituhor ndang leleng be kuliah nama. Memang molo balanjo ari onan ari Sabtu di Sibolga sai kakak do maniop hepeng. Sai adong do ulakna. Ima sai dipapungu pungu.

Molo mulak potang sai dimuruli Inang do. Alusna sai les, les. Manang marsiajar dohot dongan.”
Jei hualusi ,"Sabar ma adek, molo kakakmu naeng putus, rade do au"
"Jojor gabe bingung, naso cinta do Abang ?"
"Holong do rohangku tu hamu nadua. Alai anggo so olo kakakmu, ba jalo ma tintin nai, " ningku. Ale manolsoli do au manurathon i. Ala emosi au.

"Ai boi do songoni huroha?"
"Ah na margait gait do au". Husurat ma sada tudosan. Molo jumolo siangkangan, anggina do manoroni. Ndang toho nean dohonon tu si Jojor, ala bajar dope. Alai sian dakdanak ma tubu holong di hami. Alai holong na mar pariban do. Cinta monyet ma goarna. Ia tu si tentara i asing, adong chemistri, adong api naso tarida.

Dung diboto Inang au naung tammat, manongos surat ma tu au.

Horas Amang Leo.
Aha do khabarmu. Sehat sehat do hami di huta. Boha do karejomu?. Andigan do ho boi mulak. Beha do bogas muna. Ho nunga tammat, maila hita tu Tulangmu. Anggo pesta mi unang pola pikkiri. Boi dope hami. Hatop maho mulak asa tahatai.

Horasma, Omamu.

Torus hutelpon ma Paribanku, "Hallo hasian aha do khabar"

"Hallo bang, denggan do, andigan Abang mulak?"

"Wah goarna pe baru karejo, sataon nai baru boi cuti, Abang papungu hepeng jo da sabar ma ho hasian"

"Olo bang"

"Tabe tu Tulang Nantulang. Tabe tu pelatih i da!"

"Ah Abang"

Jei Paribanhi hohom do, ndang hea manungkun andigan pestanta, bajunta, parhepengon dohot na asing.
Ditingki survey gota au tu Palembang. Di parau dope au di Sungai Musi. Roma udan, golap hape ndang borngin dope. Roma telpon sian si Jojor, "Bang adong khabar buruk si kakak ndang mulak. Ndang sanga dope husungkun ma didok muse , "Manadingkon surat, mangalua bang"

"Ndang tangkas suaram udan dison, annon ma ate?'

"Ma----- mangalua bang dohot si Poltak hu hu hu. Bapak pingsan bang hu hu hu, alai nuaeng ma modom"

"Aha didok Nantulang?"

"Sasintongna Inang ndang manolopi na tunangan i, alai mabiar annon Bapak marsahit jantung. Kakak manadingkon surat. Jahaonku do?"

"Jaha ma"

Mangido maaf au Bapak Inang. Hami borhat tu huta ni si Poltak di Tuk tuk Siadong, Samosir. Dongan nami dua namarbaju.
Pasahat tabe dohot maaf nami tu bang Leo, Namboru Amang boru. Dison hutinggalhon tintin. Sahali nai hami mangido maaf.

Lumongga.

"Tapi Abang unang mangalua da dohot ise tahe goarna, Laxmi?"

"Ho sai margait do, iba ma gale gale"

Amang Inang tung nanolsol bagi. Jala maila. Alai na humansit di Tulang Nantulang do. Sihataan mai di huta. Marnipi Sarjana, hape tentara. Marnipi mar Pariban hape Senapan. Alai haduan nanget nanget lupa doi. Di Medan didok Sakitnya tak seberapa, malunya ini

Au pe songon tarseat ate ate huhilala, malala rohangki. Asi rohangku di Damang Dainang, maen na di pagodang godang, gabe halak napunasa. Gariada gabe au do mamodai nasida. Martunangan i artina marjanji. Somal do janji diose. Ipe on ndang mangadati, ndang tar pasu pasu dope.

Disada tingki roma Tulang Nantulang mamboan lomok lomok tu Sibolga. Dihara ma tulang, Amang uda, Namboru na di Sibolga. Songoni nang hombar balok. Pendek carito masi maaf maafan ma. Masi ummaan Tulang dohot Iboto nai. Jala mulak ma tintin.

Hudok ma tu Paribanku si Jojor, "Sasintongna ndang satolop au na tukar cin cin i. Alai gabe nialo natua tua ndang denggan. Anggo holong martumbur doi muse"

"Ahh margabus Abang. Cinta mallabak do roham tu kakak. Godang hatam"

"Holong do rohangku tu hamu nadua".

Tingki mulak tu Jakarta pintor hupaboa ma tu ito Lasma dohot tunggane doliina tingki mangan hami di tenda di Pecenongan, Pasar baru. Tabo tabu sipanganon nangpe di pinggir dalan. "Sabar ma Abang, dilean Tuhan do nadumenggan," huhut di topak topak abarangku jala diundukkon tunggane dolina.

Borngin i pintor ditelpon si Laxmi au sian Semarang. Hulala dipaboa kakakna. "Bang unang lungun roham bahat namarbaju, mura mai, boru Batak, boru Jawa. Abang pe ma karejo". Andorang so ditutup didok, "Andigan tu Semarang, Bapak manungkun au?
Hupikkiri Amang do namandok, manang Ibana. Ah tahe huingot nadi buka bajukku. Atik naso denggan do parangena.

Ala bahat karejoku gabe lupa sude. Lupa lungun ni roha ditinggall Pariban na mangalua, lupa jou jou sian Semarang. Lupa si Sri.
Survey sian Palembang huboan tu kantor pusat. Dungi ditugashon au tu Kuala Lumpur, Malaysia. Disan job training saminggu di pabrik karet Gutrie Sdn Bhd. Lokasinya di Port Klang, Selangor. Jei si Jojor pe ndang boi manelepon au.