Wednesday, June 7, 2017

PROSEDUR EKSPOR TU LUAR (1)







Tingki hubaen status di Facebook taringot tu mangga Parapat adong 2 sungkun sungkun ni dongan hu par Jakarta. Sada mandok :"Tongos jo tu au 5 kilo", ninna, jala dilean alamatnya di Cipinang, Jakarta. Dirimpu do au manggadis ON LINE.
Sahalak nai, halak China Medan na tinggal di Jakarta mandok :"Pak Situmeang toe kerja sama hita manggadis tu Singapur manang tu Jakarta, asa lakku barang ni hutanta:, ninna.

Asing sian i, 2 halak dongan di partukoan Grup Palambok Pusu Pusu (GP3) mangido asa dibaen songon Training taringot manggadis tu luar. Maol do mambaen Training holan tu ruas GP3 on ala so piga. Ala ni i tumigon ma ni gurithon jo di Blog on, asa boi dijaha angka dongan.

On ma prosedur sihuthononton.

Parjolo, Manjalahi panuhor di Singapur. Ta Google ma antong, dungi tatongos ma surat Email aha ma sigadison.
Paduahon, molo dung sahata di arga dohot bahat ni sigadison, dibaen ma kontrak songon na nidokdi ginjang.
Patoluhon, si panuhor (Importir) mangirim L/C (Letter of Credit) sian Bank na tu Bank si panggadis.
Paopathon, mangirim barang songon na tarsurat di Kontrak dohot L/C.
Palimahon, mandaftar PEB (Pemberitahuan Ekspor Barang) tu Bank
Paonomhon, pesan ruang kapal (Laut manang Udara)
Papituhon, barang ditongos, dipareso Bea Cukai. Bea Cukai manekken PEB.
Par kapal (Laut, Udara) mangalean BL (Bill of Lading) tu hita panggadis.
Paualuhon: Boanon ma BL on tu Bank......CAIR ma hepeng.

Adong dope na porlu paboaon, alai on ma jo sahalion, unang pa bahat hu annon. Niudutan pe muse
Post a Comment